አርሶ አደሮች በሚሠሩት የእንሰት ችግኝ ብዜት ሥራ በማሳቸው ተክለው የምግብ ዋስትናን ከማረጋገጥ ባለፈ ሸጠው የገቢ ምንጫቸውን እንዲያሳድጉ ትኩረት ሰጥቶ መሥራት እንደሚያስፈልግ ተገለፀ
የይርጋጨፌ ወረዳ ዋና አስተዳዳሪ በሴፍቲኔት የታቀፉ አርሶ አደሮች የእንሰት ዝሪያ ከአካባቢው ሞዴል አርሶአደሮች ማሳ እንዲያገኙ ለማድረግ የእንሰት ብዜት ሥራ ባስጀመሩበት ወቅት ነው ይህንን ያሉት።
በወረዳው ከ8 ነጥብ 5 ሚሊዮን በላይ የእንሰት ችግኞችን አባዝቶ ተደራሽ ለማድረግ እየተሠራ ነው።
የይርጋጨፌ ወረዳ ዋና አስተዳዳሪ አቶ ዳዊት ቡኔ የእንሰት ችግኝ ብዜት ሥራ በብርብር ቄላ ቀበሌ ባስጀመሩበት ወቅት እንደገለፁት፤ በወረዳው በሴፍቲኔት ፕሮግራም የታቀፉ አርሶአደሮች በምግብ ዋስትና ራሳቸውን እንዲችሉ ለማድረግ የአካባቢውን አየር የተላመደ የእንሰት ዝሪያ ከአካባቢው ሞዴል አርሶ አደሮች በመግዛት ተክለው የምግብ ዋስትናቸውን እንዲያረጋግጡ የማድረግ ሥራ ተጠናክሮ ይቀጥላል።
አርሶ አደሮቹ የምግብ ዋስትናቸውን ከማረጋገጥ ባለፈ ያባዙትን የአካባቢ ዝርያ ሸጠው ተጨማሪ ገቢ እንዲያገኙ በማድረግ ተጠቃሚነታቸውን እንዲያረጋገጡ ተግባሩ በተጀመረበት ሂደት መቀጠል እንዳለበት ጠቁመው አርሶ አደሩም የሥራ ባህሉን በመቀየርና ተግቶ በመሥራት ተጠቃሚ መሆን ይገባዋል ሲሉ አሳስበዋል።
የወረዳው ግብርና ጽ/ቤት ኃላፊ አቶ ድጋፌ ሙላቱ በበኩላቸው፤ በአካባቢው ሁሉም አርሶአደሮች በጓሯቸው የእንሰት ችግኝ ብዜት ሥራ በትኩረት እንዲሠሩ ከማድረግ አኳያ ወቅቱ የችግኝ ዝግጅት በመሆኑ ለአርሶአደሩ ድጋፍ በመስጠት ከ8 ነጥብ 5 ሚሊዮን በላይ ችግኞችን ለማዘጋጀት እና ለማሰራጨት እየተሠራ ነው ብለዋል።
የተጀመረውን የእንሰት ችግኝ ብዜት ሥራን በማጠናከር ለምግብነት ከሚውለው በተጨማሪ እንደ ቃጫ ያሉትን ተረፈ ምርት ለኢንዱስትሪ በግብዓትነት እንዲያቀርብ የማድረጉን ሥራ የበለጠ በመሥራት ተጠቃሚነቱ ይረጋገጣል ብለዋል።
የወረዳው የምግብ ዋስትና እና አደጋ ስጋት ጽ/ቤት ኃላፊ አቶ ታምራት ክጶ እንደገለፁት፤ በወረዳው በምግብ ዋስትና ተግባር አርሶ አደሩ በምግብ እራሱን እንዲችል በመንግስት ድጋፍ እንሰት ችግኝ ብዜት ሥራ በመሥራት ችግኙ ለአርሶ አደሩ በአግባቡ እንዲደርስ እየተሰራ ነው።
አርሶ አደር በየነ ሻሎ እና ተካልኝ ወሬራ የብርብርሳ ቄላ ቀበሌ ሞዴል አርሶ አደሮች ሲሆኑ በማሳቸው በየዓመቱ የእንሰት ችግኝ ብዜት እንደሚሠሩ ገልጸው፤ ለራሳቸው ከሚተክሉት በተጨማሪ ለገበያ በማቅረብ ሸጠው ተጠቃሚ መሆናቸውን አስረድተዋል።
ዘጋቢ: አብዶ አያላ – ከይርጋጨፌ ጣቢያችን
አርሶ አደሮች በሚሠሩት የእንሰት ችግኝ ብዜት ሥራ በማሳቸው ተክለው የምግብ ዋስትናን ከማረጋገጥ ባለፈ ሸጠው የገቢ ምንጫቸውን እንዲያሳድጉ ትኩረት ሰጥቶ መሥራት እንደሚያስፈልግ ተገለፀ
More Stories
የቁጠባና ብድር ህብረት ሥራ ማህበራት የህብረተሰቡን የቁጠባ ባህል ከማዳበር ባለፈ ህብረተሰቡ በቆጠበው ልክ ብድር አግኝቶ መልማት እንዲችል ያላቸው ሚና ከፍተኛ መሆኑን የይርጋጨፌ ወረዳ አስተዳደር አስታወቀ
የተለያዩ ሰው ሰራሽና ተፈጥሯዊ ፀጋዎችን በማልማት ለሀገራዊ እምርታ መጠቀም እንደሚገባ ተገለፀ
የአርሶ አደሩን ኢኮኖሚያዊ ተጠቃሚነትን ለማሳደግ ከመቼውም ጊዜ በላይ በትኩረት እየተሰራ እንደሚገኝ ተገለጸ