ዊልያም ሳሊባ ወደ ሙሉ ልምምድ ተመለሰ!

ዊልያም ሳሊባ ወደ ሙሉ ልምምድ ተመለሰ!

የአርሰናሉ ድንቅ ተከላካይ ዊሊያም ሳሊባ ከባድ ከነበረው የጀርባ ጉዳቱ አግግሞ ዛሬ ከክለቡ የመጀመሪያ ቡድን ጋር ሙሉ ልምምድ መጀመሩ ተገልጿል።

የ25 ዓመቱ ፈረንሳያዊ ተከላካይ ሳሊባ ጉዳት ያስተናገደው በ2026 የፊፋ ዓለም ዋንጫ ከፈረንሳይ ብሔራዊ ቡድን ጋር በነበረው ቆይታ በግማሽ ፍፃሜው ከስፔን ጋር በነበረው ጨዋታ ነበር።

ምንም እንኳን የቀዶ ጥገና ሕክምና ባያስፈልገውም ረጅም እና ጥንቃቄ የተሞላበት የማገገሚያ ጊዜን አሳልፏል።

የክለቡ ምንጮች እንደሚገልጹት ሳሊባ የማገገሚያ ደረጃዎችን በሚያስደንቅ ሁኔታ በማጠናቀቁ ከቀጠሮው ቀደም ብሎ ወደ ሜዳ መመለስ ችሏል።

ሳሊባ በሌለበት ጊዜ አርሰናል እንደ ኤዝሪ ኮንሳ እና ክሪስቲያን ሞስኬራ ባሉ ተጫዋቾች አማካኝነት ጠንካራ የመከላከል አጥር ገንብቶ ቆይቷል።

አሁን ደግሞ የሳሊባ መመለስ ለአሰልጣኝ ሚኬል አርቴታ አስደሳች የሆነ የቡድን ጥልቀት የሚፈጥርለት ሲሆን፣ የኋላ ክፍሉን ከየትኛውም ጊዜ በላይ የማይደፈር ያደርገዋል።

ተጫዋቹ ወደ ሙሉ ልምምድ ቢመለስም አርሰናል ምንም ዓይነት አላስፈላጊ ስጋት ውስጥ ላለመግባት ጥንቃቄን መርጠዋል።

በዚህም መሰረት በነገው ዕለት ከስላቪያ ፕራግ ጋር ለሚደረገው የቻምፒየንስ ሊግ ጨዋታ በጥንቃቄ ይታያል ተብሎ የሚጠበቅ ሲሆን ከዓለም አቀፍ የጨዋታ እረፍት በኋላ በሚደረገው ተጠባቂው የሊግ ጨዋታ ሙሉ በሙሉ ዝግጁ ይሆናል ተብሎ ይጠበቃል።

ዘጋቢ፡ሙሉቀን ባሳ