ሀዋሳ: ግንቦት 24/2018 ዓ.ም (ደሬቴድ) 7ኛው ጠቅላላ ምርጫ ዛሬ ግንቦት 24 ቀን 2018 ዓመተ-ምህረት እየተካሄደ ይገኛል፡፡
በካፋ ዞን ከሚገኙ የምርጫ ክልሎች ውስጥ አንዱ በሆነው በቢጣ ጌሻ ምርጫ ክልል ዜጎች ሌሊት 11:30 ጀምረው ከቤታቸው በመውጣት በድምጽ መስጫ ጣቢያዎች ተገኝተዋል፡፡
ተንቀሳቅሰን የተመለከትናቸው የምርጫ ጣቢያዎች ላይ የተለያዩ የምርጫ ታዛቢዎች ተሟልተው መገኘታቸውን ማረጋገጥ ተችሏል፡፡
አስፈላጊ የፀጥታ አካላትም በምርጫ ጣቢያዎቹ የጽጥታ ሥራዎችን ለማገዝ በስፍራው ተገኝተዋል፡፡
በዚህም በየምርጫ ጣቢያዎቹ የተገኙ ዜጎች ይበጀናል ለሚሉት የፖለቲካ ፓርቲ ድምፃቸውን መስጠት ጀምረዋል፡፡
የድምጽ አሰጣጥ ሂደቱ ፍፁም ሰላማዊ በሆነ መልኩ የጀመረ ሲሆን የዜጎች ተሳትፎም ከወዲሁ ንቁ መሆኑን መገንዘብ ተችሏል፡፡
ዘጋቢ ፡ ዳንኤል መኩሪያ – ከቦንጋ ጣቢያችን

More Stories
ግብር የአንድ ሀገር ሉዓላዊነት መገለጫ፣ የልማት ዋልታና የዜጎች የጋራ ቃልኪዳን ነው – የደቡብ ኢትዮጵያ ክልል ገቢዎች ቢሮ
ታሪካዊና ጥንታዊው – ምሁር ኢየሱስ ገዳም
የቱሪዝም ዘርፍ በመደመር መንግስት የብልፅግና ተምሳሌት እንዲሆን በትኩረት እየተሰራ ነው – የማዕከላዊ ኢትዮጵያ ክልል ባህልና ቱሪዝም ቢሮ