በዘንድሮው የአፈርና የውሃ ጥበቃ ስራ ከ3ሺ በላይ ሄክታር መሬት ለማልማት ታቅዶ ወደ ተግባር መገባቱን በስልጤ ዞን የስልጢ ወረዳ ግብርና ፅ/ቤት አስታወቀ

በዘንድሮው የአፈርና የውሃ ጥበቃ ስራ ከ3ሺ በላይ ሄክታር መሬት ለማልማት ታቅዶ ወደ ተግባር መገባቱን በስልጤ ዞን የስልጢ ወረዳ ግብርና ፅ/ቤት አስታወቀ

የአፈርና የውሃ ጥበቃ ስራ ያስገኘላቸውን ጥቅም በመረዳት በየአመቱ በንቃት በማሳተፍ አካባቢያቸውን እያለሙ መሆኑን በወረዳ አርሶአደሮች ተናግረዋል ።

“የተፈጥሮ ሀብት ልማት ስራችን ለብልፅግናችን” በሚል መሪ ቃል የተጀመረው የተፋሰስ ልማት ስራ በስልጤ ዞን ስልጢ ወረዳም የቅድማ ዝግጅት ስራ ተጠናቆ ወደ ተግባር መገባቱን የወረዳው ግብርና ፅህፈት ቤት ምክትልና ተፈጥሮ ዘርፍ ኃላፊ አቶ ሽፋ ነጃ ተናግረዋል።

ስራውን ውጤታማ ለማድረግ አስፈላጊው ቅድማ ዝግጅት  የተደረጋ መሆኑን ያነሱት ኃላፊው ከመሰሪያና ከህብረተሰብ ልየታ ጀምሮ ባለሞያዎችና አርሶአደሮችን ማሰልጠን ተጠቃሾች ናቸው ብለዋል።

በዘንድሮው የአፈርና ውሃ ጥበቃ ልማት ስራ እንደ ወረዳው በተለዩ 25 ንዑስ ተፋሰሶች 3 ሺ15 ሄክታር መሬት  እንደሚለማ  ነው  ኃላፊው የገለፁት::

በወረዳው ከዚህ በፊት  የተሰራው  የአፈርና የውሃ ጥበቃ ስራዎች የአፈር ለምነት ከመጠበቅ ጀምሮ የከርሰ ምድር ውሃና የደን ሽፋን በመሳደግ ረገድ ተጨባጭ ለውጥ መታየቱን ኃላፊው ገልፆዋል።

በጎርፍ የተጎዳና  ገላጣማ የሆኑ መሬቶች መልሶ በማልማት ከአረንጓዴ ልማት ጋር በማስተሳሰር በተሰራው ስራ በወረዳው የደን ሽፋን እየጨመረ  ከመምጣቱም ባለፈ ለንብ ማነብና መሰል የግብርና ስራዎችን ውጤታማነት ትልቅ ዕድል እየፈጠራ ነው ሲሉ ኃላፊው ገልፀዋል።

በወረዳው  ያነጋገርናቸው አርሶ አደሮች ከዚህ በፊት የተሰራው የአፈርና የውሃ ጥበቃ ስራ ያስገኛላቸውን ጥቅም በመገንዘብ ዘንድሮ በነቂስ ወጥተው በማልማት ላይ መሆናቸውን ተናግረዋል።

የአፈርና የውሃ ጥበቃ ስራው ምርትና ምርታማነትን  ከመጨመር በተጨማሪ የክረምት ወቅት የሚፈጠረው የጎርፍ አደጋ  ለመከላከል አይነተኛ መፍትሄ ነው ብለዋል ፡፡

ዘጋቢ:አሚና ጀማል-ከሆሳዕና ጣቢያችን