ካይ ሃቨርትዝ ጉዳት አጋጠመው

ካይ ሃቨርትዝ ጉዳት አጋጠመው

ሀዋሳ፡ መስከረም 15/2019 ዓ.ም (ደሬቴድ) የአርሰናል አጥቂ ካይ ሃቨርትዝ ትናንት ምሽት በኔሽንስ ሊግ የጀርመን ብሔራዊ ቡድን  ከኔዘርላንድስ ጋር ባደረገው ጨዋታ በደረሰበት ጉዳት ተቀይሮ ከሜዳ ወጥቷል።

ይህ ጨዋታ አንጋፋው አሰልጣኝ ዩርገን ክሎፕ የጀርመን ብሔራዊ ቡድን ዋና አሰልጣኝ ሆነው ከተረከቡ በኋላ የመጀመሪያው መሆናቸው ይታወቃል።

ሆኖም ጨዋታው ገና በሂደት ላይ እያለ፣ ሃቨርትዝ ከኔዘርላንድስ አማካይ ኩዊንተን ቲምበር (በአርሰናል የክለብ አጋሩ የዩርየን ቲምበር ወንድም) ጋር በተደረገ ከባድ አካላዊ ንክኪ በጉልበቱ ላይ ጉዳት ደርሶብታል።

ሜዳ ላይ የመጀመሪያ የህክምና እርዳታ ከተደረገለት በኋላ ጨዋታውን መቀጠል ባለመቻሉ በ30ኛው ደቂቃ ላይ በወጣቱ ተጫዋች ዩኔስ ኢብኑታሊብ ተቀይሮ እንዲወጣ ተደርጓል።

አሰልጣኝ ዩርገን ክሎፕ ከጨዋታው በኋላ በሰጡት ቃል፣ ሃቨርትዝ እና በልምምድ ላይ ጉዳት ያስተናገደው ጃማል ሙሲያላ የኤምአርአይ (MRI) ምርመራ እያደረጉ መሆናቸውን ገልጸዋል።

ክሎፕ አያይዘውም፦ “ሁለቱም ተጫዋቾች ምርመራ ላይ ናቸው፤ ውጤቱንም በቅርቡ እናውቃለን ብዬ ተስፋ አደርጋለሁ። በእርግጥ ይህ ሁኔታ አሳሳቢ ነው፤ ነገር ግን ጉዳታቸው ከባድ ሆኖ እንዳይገኝ እና በቶሎ እንዲያግሙ ምኞቴ ነው“ ብለዋል።

ይህ ዜና ለአርሰናል ክለብ ትልቅ ስጋት ፈጥሯል። ከዓለም አቀፍ የሀገራት ጨዋታ ሰሞን በኋላ አርሰናል ሊድስ ዩናይትድን በሜዳው በፕሪሚየር ሊጉ ከማስተናገዱ በፊት የሃቨርትዝ ጤንነት ለአሰልጣኝ ሚኬል አርቴታ ከፍተኛ ትኩረት የሚሰጠው ጉዳይ ሆኗል።

የክለቡ የህክምና ቡድንም ከጀርመን እግር ኳስ ማህበር ጋር በመቀናጀት የጉዳቱን ይዘት እየተከታተለ እንደሚገኝ ተገልጿል።

ዘጋቢ፡ ሙሉቀን ባሳ