በጎፋ ዞን መሎ ኮዛ ምርጫ ክልል የምርጫ ቁሳቁስ ወደየምርጫ ጣቢያዎች እየተሰራጨ መሆኑ ተገለጸ

በጎፋ ዞን መሎ ኮዛ ምርጫ ክልል የምርጫ ቁሳቁስ ወደየምርጫ ጣቢያዎች እየተሰራጨ መሆኑ ተገለጸ
‎
‎ግንቦት 24/2018 ለሚካሄደው 7ኛው ጠቅላላ ምርጫ በጎፋ ዞን መሎ ኮዛ ምርጫ ክልል የምርጫ ቁሳቁስ የማሰራጨቱን ስራ እያጠናቀቀ መሆኑን የምርጫ ክልሉ አስተባባሪው ተናግረዋል።
‎
‎በመሎ ኮዛ ምርጫ ክልል መደበኛ 84 የምርጫ ጣቢያዎች እና 2 ንዑስ እንዲሁም 6 ሀገር አቀፍ ተፎካካሪ ፓርቲዎች የሚፎካከሩባቸው የምርጫ ጣቢያዎች የሚገኙ መሆኑን የምርጫ ክልሉ አስተባባሪው ተናግረዋል።
‎
‎የመሎ ኮዛ ምርጫ ክልል አስተባባሪ አቶ አራታ በተላ፤ እስካሁን ከ90 በመቶ በላይ የሚሆነው የምርጫ ቁሳቁስ ወደየምርጫ ጣቢያዎች ስርጭት መከናወኑን ገልጸዋል፡፡
‎
‎ቀሪውን የቁሳቁስ ስርጭት ለማጠናቀቅ እየተሰራ መሆኑንም ነው የገለጹት፡፡
‎
‎የፀጥታ አካላት ከፀጥታና ደህንነት ጥበቃ በተጨማሪ በቁሳቁስ ስርጭት ወቅት አስፈላጊውን እጀባ ማድረጋቸውን ጠቁመዋል።
‎
‎ዘጋቢ፡ ድጋፌ ድክሬ – ከሳውላ ጣቢያችን
‎