በጎፋ ዞን የደምባ ጎፋ ወረዳ ሕዝብ ምክር ቤት 4ኛ ዙር 3ኛ መደበኛ ጉባኤ እየተካሄደ ነው
በጉባኤው የመክፈቻ ንግግር ያደረጉት የደምባ ጎፋ ወረዳ ህዝብ ምክር ቤት ዋና አፈጉባኤ አቶ አበበ አማኔ ባስተላለፉት መልዕክት ምክር ቤቶች የሕዝብ ሉአላዊ የስልጣን ባለቤት መገለጫ በዲሞክራሲ ስርዓት ግንባታና በመንግስት አሠራር የሕዝብ ተሳትፎ የሚረጋገጥባቸው መሆናቸውን ገልጸዋል።
ምክር ቤቱ በሕገ-መንግስቱ የተሰጠውን ስልጣን በመጠቀም የሕዝቡን የመልካም አሰተዳደር እና የወጣቶች ኢኮኖሚያዊና ማህበራዊ ተጠቃሚነት ለማረጋገጥ በመከታተልና በመቆጣጠር የተሻለ አፈፃፀም እንዲመዘገብ እየተጋ ይገኛል ብለዋል።
ጉባኤው በዛሬው ውሎ የ2017 በጀት ዓመት ዕቅድ አፈጻጸም ሪፖርትና የቀጣይ ዓመት ጠቋሚ ዕቅድ እንዲሁም ልዩ ልዩ አጀንዳዎች ቀርበው ይፀድቃሉ ተብሎ ይጠበቃል።
በጉባኤው የጎፋ ዞን ህዝብ ምክር ቤት ምክትል አፈ ጉባኤ ወይዘሮ አበበች መርጊያ፣ የደምባ ጎፋ ወረዳ ዋና አስተዳዳሪ አቶ አንዳርጌ አራታ፣ የደምባ ጎፋ ወረዳ የመንግሥት ዋና ተጠሪ አቶ ሰማዬ ሻምበል፣ የደምባ ጎፋ ወረዳ ምክር ቤት ዋና አፈ ጉባኤ አቶ አበበ አማኔ ጨምሮ የወረዳው አጠቃላይ አመራሮች የወረዳው የምክር ቤት አባላት እና ጥሪ የተደረገላቸው እንግዶች ተገኝተዋል።
ዘጋቢ፡ ስንታየሁ ሙላቱ – ከሳውላ ጣቢያችን
More Stories
የአፈር ጤናን በመጠበቅና ለምነትን በማሻሻል የአርሶ አደሮችን ምርትና ምርታማነት ለማሳደግ እየተሰራ መሆኑን በማዕከላዊ ኢትዮጵያ ክልል ግብርና ምርምር ኢኒስቲትዩት የወራቤ ግብርና ምርምር ማዕከል አስታወቀ።
የሕዝቡን የልማትና የመልካም አስተዳደር ጥያቄዎችን ለመመለስ በትኩረት ይሠራል – የደቡብ ኢትዮጵያ ክልል ርዕሰ መስተዳድር ተስፋዬ በልጅጌ (ዶ/ር)
ጥራቱ የተጠበቀ ከ500 ቶን በላይ እሸት ቡና ለማዕከላዊ ገበያ ለማቅረብ ታቅዶ እየተሠራ መሆኑ ተገለጸ