በክልሉ ውስን ቦታዎች የታዩ የፀጥታ ችግሮች ዕልባት እያገኙ መጥተዋል – ዋና አፈ ጉባዔ ፋጤ ስርሞሎ
ሀዋሳ፡ ሐምሌ 29/2017 ዓ.ም (ደሬቴድ) በክልሉ ውስን ቦታዎች የታዩ የፀጥታ ችግሮች ዕልባት እያገኙ መጥተዋል ሲሉ የማዕከላዊ ኢትዮጵ ክልል የህዝብ ተወካዮች ምክር ቤት ዋና አፈ ጉባዔ ፋጤ ስርሞሎ ገለጹ፡፡
ክልሉን የወከሉ የፓርላማ አባላት እና የማዕከላዊ ኢትዮጵያ ክልል ምክር ቤት አባላት በጋራ የህዝብ ውክልና ስራ ለማከናወን የሚያስችል የውይይት መድረክ በወልቂጤ ከተማ በማካሔድ ላይ ናቸው፡፡
ተመራጮች ወደ መረጣቸው ህዝብ ቀርበው ማወያየታቸው በመንግስትና በህዝብ መካከል ያለው ግንኙነት በማጠናከር ግልጽነትን ይፈጥራል ያሉት የክልሉ ህዝብ ምክር ቤት ዋና አፈ ጉባዔ ፋጤ ስርሞሎ፥ በ2017 የበጀት አመት በተከናወኑ የልማትና መልካም አስተዳደር ስራዎች በክልልና በፌደራል ሊሰሩ የሚገባቸውን ጥያቄዎችን በማሰባሰብ ምላሽ ማሰጠት ተችሏል ብለዋል፡፡
በክልሉ ውስን አከባቢዎች አጋጥመው የነበሩ የፀጥታ ሁኔታ መሻሻሉን የገለጹት ወይዘሮ ፋጤ፥ ይህ ለውጥ እንዲመጣና የአስፈፃሚው አካል የሚጠበቅበትን እንዲወጣ የምክር ቤት አባላት ያደረጉት ክትትልና ድጋፍ ድርሻው ላቅ ያለ መሆኑን ዋና አፈ ጉባዔዋ አንስተዋል፡፡
በያዝነው የክረምት ወቅት የምክር ቤት አባላት ወደተመረጡበት አከባቢ በመሄድ በመንግስት የተከናወኑ ተግባራትን በመመልከት በህዝብ የሚነሱ ሃሳቦችን ይዞ በመመለስ ከአስፈፃሚው አካል ጋር በቀጣይ ይመክራሉ ተብሎ ይጠበቃል።
ዘጋቢ: ሲሳይ ደበበ
በክልሉ ውስን ቦታዎች የታዩ የፀጥታ ችግሮች ዕልባት እያገኙ መጥተዋል – ዋና አፈ ጉባዔ ፋጤ ስርሞሎ
More Stories
የአፈር ጤናን በመጠበቅና ለምነትን በማሻሻል የአርሶ አደሮችን ምርትና ምርታማነት ለማሳደግ እየተሰራ መሆኑን በማዕከላዊ ኢትዮጵያ ክልል ግብርና ምርምር ኢኒስቲትዩት የወራቤ ግብርና ምርምር ማዕከል አስታወቀ።
የሕዝቡን የልማትና የመልካም አስተዳደር ጥያቄዎችን ለመመለስ በትኩረት ይሠራል – የደቡብ ኢትዮጵያ ክልል ርዕሰ መስተዳድር ተስፋዬ በልጅጌ (ዶ/ር)
ጥራቱ የተጠበቀ ከ500 ቶን በላይ እሸት ቡና ለማዕከላዊ ገበያ ለማቅረብ ታቅዶ እየተሠራ መሆኑ ተገለጸ