የአርባ ምንጭ ዩኒቨርሲቲ ከተባባሪ አካላት ጋር በመሆን ያስገነባቸውን 100 መኖሪያ ቤቶችን ለኮንሶ ዞን ተፈናቃዮች በይፋ አስተላለፈ
የመጠለያው መገንባት የዜጎችን ክብር የመለሰ፣ የሰላም፣ የአብሮነትና የትብብር ምልክት መሆኑም ተጠቁሟል።
በመርሀ-ግብሩ ተገኝተው የእንኳን ደህና መጣችሁ ንግግር ያደረጉት የኮንሶ ዞን ዋና አስተዳዳሪ አቶ ገሌቦ ጎልቶሞ፤ በግጭት ለተጎዱ ወገኖች የተገነባው መጠለያ የዜጎችን ክብር የመለሰ፣ የሰላም፣ የአብሮነትና የትብብር ምልክት ነው ብለዋል።
ይህ ፕሮጀክት ተጀምሮ እስኪጠናቀቅ አስፈላጊውን ድጋፍ ላደረጉ አካላት ምስጋና ያቀረቡት አቶ ገሌቦ፤ የመጠለያ ግንባታው ጥላቻን በፍቅር ከመቀየሩም በላይ ተስፋን የሚያለመልምና መሰረትን የሚጥል የሰበብአዊነት ማሳያ መሆኑን አብራርተዋል።
የአርባ ምንጭ ዩኒቨርሲቲ ፕሬዚዳንት ኢንጂነር አብደላ ከማል (ዶ/ር)፤ የዩኒቨርሲቲው የህግ ትምህርት ክፍል ከ ግብረ ሰናይ ድርጅት ጋር በመተባበር 100 ቤቶችን በመገንባት ለተፈናቃዮች ማስተላለፉን ገልጸዋል።
ዩኒቨርስቲው በአካባቢው በንፁህ መጠጥ ውሀ አቅርቦት፣ በጤናው እና በግብርናው ዘርፍ የማህበረሰቡን ችግር በዘላቂነት ለመፍታት እየሰራ ከመገኘቱም ባሻገር የህግ አገልግሎቱን ተደራሽ በማድረግ አስፈላጊውን ድጋፍ እያደረገ ይገኛል ሲሉ አብራርተዋል።
በኮንሶ ዞን በዞን ገላቦ ቀበሌ፣ ኦሽኮ ንዑስ የተገነባው መጠለያም የዩኒቨርሲቲው ህግ ትምህርት ቤት አርዓያነት ያለው ተግባር መሆኑን አብራርተው፤ ጌርዳ ሔርክልን ፕሮጀክትን፣ ኦክስፖርድ ብሩክስ ዩኒቨርሲቲ እና ሌሎች አካላትን ለስኬቱ አመስግነዋል።
የተላለፉት ቤቶች በፀሐይ ሀይል የሚሠራ 3 ሺህ ኪሎ ዋት ኤሌክትሪክ ማመንጨት የሚያስችል ሶላር የተገጠመላቸው ሲሆን በዚህም የገሊስ ቀበሌን መብራት ጨምሮ የተለያዩ አገልግሎቶችን እንዲያገኙ ያደረገ ነው ያሉት ደግሞ የዩኒቨርሲቲው የምርምር እና ማህበረሰብ አገልግሎት ምክትል ፕሬዚዳንት ተክሉ ወጋየሁ( ዶ/ር) ናቸው።
መጠለያ ከተበረከተላቸው አካላት መካከል አቶ ኩታሶ ኩታዬ እና ጉይታ ኩታታ፤ በግጭት ምክንያት በሸራ ይኖሩ እንደነበር ተናግረው አሁን በተገነባላቸው መጠለያ ተረጋግተው እንደሚኖሩ ጠቁመው ለተደረገላቸው ድጋፍም ምስጋና አቅርበዋል።
በፕሮጀክቱ የተሻለ አፈፃፀም ላስመዘገቡ ግለሰቦችና ተቋማት የምስጋናና የእውቅና ምስክር ወረቀት ተበርክቶላቸዋል።
በመርሀ-ግብሩ የአርባ ምንጭ ዩኒቨርሲቲ ፕሬዚዳንት ኢንጂነር አብደላ ከማል (ዶ/ር)፣ የዩኒቨርሲቲው የምርምር እና ማህበረሰብ አገልግሎት ምክትል ፕሬዚዳንት ተክሉ ወጋየሁ(ዶ/ር)፣ የኮንሶ ዞን ዋና አስተዳዳሪ አቶ ገሌቦ ጎልቶሞና ጥሪ የተደረገላቸው የአካባቢው ነዋሪዎች ታድመዋል።
ዘጋቢ፡ ተመኙህ ገረሱ – ከአርባምንጭ ጣቢያችን
የአርባ ምንጭ ዩኒቨርሲቲ ከተባባሪ አካላት ጋር በመሆን ያስገነባቸውን 100 መኖሪያ ቤቶችን ለኮንሶ ዞን ተፈናቃዮች በይፋ አስተላለፈ
More Stories
አቶ ይሁን አሰፋ በማዕከላዊ ኢትዮጵያ ክልል የየም ዞን ዋና አስተዳዳሪ ሆነው ተሾሙ
አቶ መብራቴ ወልደማርያ የጉራጌ ዞን ዋና አስተዳዳሪ በመሆን ተሾሙ
የፍርድ ቤቶች እና የፍትህ ሴክተር መስሪያ ቤቶች ጥምረት የፍትህ አሰጣጥ ላይ ውጤታማ ማድረጉ ተገለጸ