ከተረጂነት በመውጣት የምግብ ዋስትናን በማረጋገጥ የሰብዓዊ ድጋፍን በራስ አቅም መሸፈን እንደሚገባ ተገለጸ
በጌዴኦ ዞን ይርጋጨፌ ወረዳ “ከተረጂነት ወደ ምርታማነት ለተሟላ ሀገራዊ ክብር እና ሉአላዊነት” በሚል መሪ ቃል የውይይት እና ከየቀበሌያት የተሰበሰቡ እህል እና ቁሳቁስ ለወረዳው አስተዳደር ገቢ ተደርገዋል።
ከተረጂነት ወደ ምርታማነት በሚለው መርህ ትኩረት ተሰጥቶ በመሠራቱ ውጤታማ በመሆን ማህበረሰቡ ራሱን ችሎ ለሰብአዊ ድጋፍ የበኩሉን አስተዋፅኦ እያበረከተ ይገኛል።
በዞን ደረጃ ለመሰብሰብ አቅደን የጀመርነው 72 ሚሊዮን መጠባበቂያ ፈንድ በይርጋጨፌ ወረዳ በእህል እና በቁሳቁስ መልክ የተጀመረው የማሰባሰቡ ሥራ ተጠናክሮ መቀጠል ይኖርበታል ሲሉ የጌዴኦ ዞን ዋና አስተዳዳሪ ዝናቡ ወልዴ(ዶ/ር) ተናግረዋል።
ይህም በሀገር አቀፍ ደረጃ ለተጀመረው ሥራ እያንዳንዱ አመራር ህብረተሰቡን በማንቀሳቀስና ትኩረት ሰጥቶ በመሥራት ተግባሩ ተጠናክሮ እንዲቀጥል ማድረግ ይጠበቅበታል ብለዋል።
የይርጋጨፌ ወረዳ ዋና አስተዳዳሪ አቶ ዳዊት ቡኔ፤ በወረዳው ባሉ ሁሉም ቀበሌያት ህብረተሰቡ ከተረጂነት ወደ ምርታማነት የሚለውን ሀሳብ ተቀብሎ በመሥራት
አሁን ላይ ለሰብዓዊነት ከየቀበሌው እህል በመሰብሰብ በወረዳ ማዕከል የማስረከቡ ሥራ ተሠርቷል ሲሉ ተናግረዋል።
በቀጣይም በሰብአዊነት ራሳችንን ለመቻል የጀመርነውን ሥራ አጠናክረን ከማስቀጠልም ባሻገር በእያንዳንዱ ቀበሌ ያለው ማህበረሰብ ሠርቶ ምርታማ እንዲሆን በማድረግ ከተረጂነት መንፈስ ነፃ እና ራሱን የቻለ ማህበረሰብ መፍጠር ይኖርብናል ሲሉ ተናግረዋል።
ከተሳታፊዎች መካከል አርሶአደር አክሊሉ ወብዩ እና ጴጥሮስ በዳሶ፤ በቀበሌያቸው ከተረጂነት ለመውጣት በሚደረገው ጥረት ህብረተሰቡ የሚጠበቅበትን እህል በማዋጣት በወረዳ ደረጃ እንድናስረክብ ተደርጓል ብለዋል።
በመጪው ጊዜያትም ህብረተሰቡም ሆነ እኛ በግላችን ባለን ማሳ ምርትና ምርታማነትን ለመጨመር ትኩረት ሰጥተን በመሥራት የሰብአዊ ድጋፉን እናስቀጥላለን ሲሉ አስረድተዋል።
ዘጋቢ፡ አብዶ አያላ – ከይርጋጨፌ ጣቢያችን
ከተረጂነት በመውጣት የምግብ ዋስትናን በማረጋገጥ የሰብዓዊ ድጋፍን በራስ አቅም መሸፈን እንደሚገባ ተገለጸ
More Stories
የህግ ባለሙያዎችን ብቃትና ክህሎት ማጎልበት ለውጤታማ የፍትህ አገልግሎት ወሳኝ ነው – የደቡብ ኢትዮጵያ ክልል ጠቅላይ ፍርድ ቤት
የመሬት አስተዳደር ሥርዓትን በማዘመን የልማት እና መልካም አስተዳደር ጥያቄዎችን ለመመለስ በትኩረት መሠራት እንዳለበት የደቡብ ኢትዮጵያ ክልል በምክትል ርዕሰ መስተዳድር ማዕረግ የክልሉ ከተማ እና መሠረተ ልማት ቢሮ ሀላፊ ኢንጂነር ወንድሙ ሴታ አሳሰቡ
ሁሉንም ተግባራት የፖሊስን ክብር በሚያስጠብቅ መንገድ ማከናወን እንደሚገባ የደቡብ ምዕራብ ኢትዮጵያ ሕዝቦች ክልል ሠላምና ፀጥታ ቢሮ ኃላፊ አቶ አንድነት አሸናፊ ተናግረዋል