ኢድ አል አደሃ

ኢድ አል አደሃ

በዓለማችን የእስልምና እምነት ተከታዮች ዘንድ በጉጉት ከሚጠበቁ ታላላቅ በዓላት መካከል ኢድ አል አደሃ ወይም አረፋ ልዩ ስፍራ አለው። ይህ በዓል የደስታ ቀን ብቻ ሳይሆን የእምነት ጥንካሬን፣ የመስዋዕትነትን ትርጉም እና የሰዎችን የመተሳሰብ መንፈስ የሚያሳይ ታላቅ አጋጣሚ ነው።

በኢትዮጵያ የአረፋ በዓል ሲቃረብ ሀገሪቱ በተለየ ድባብ ትሞላለች። ከማለዳው ጀምሮ ሰዎች ንጹህና ውብ ልብሶችን ለብሰው ወደ ሰላት ይወጣሉ። ከዚያም ቤተሰቦች በአንድ ማዕድ ዙሪያ ይሰበሰባሉ፣ ዘመድና ጎረቤት ይጠያየቃሉ፣ የበዓሉ ደስታም ከቤት ወደ ቤት ይተላለፋል።

በሌሎች የዓለም ሀገራትም በዓሉ በተለያየ መንገድ ቢከበርም መልዕክቱ አንድ ነው። በሳዑዲ አረቢያ ከሐጅ ጉዞ ጋር ተያይዞ በትልቅ ድምቀት ይከበራል። በዚህም ጊዜ ከዓለም የተለያዩ ሀገራት የመጡ ሚሊዮኖች ሙስሊሞች በመካ ተሰባስበው ሐጅን ያጠናቅቃሉ።

የኢድ ጠዋት ሲደርስ መስጊዶችና የሰላት ሜዳዎች በሰዎች ይሞላሉ። ከሰላት በኋላ ቤተሰቦች በአንድ ይሰበሰባሉ፣ ደስታን ይጋራሉ፣ ስጦታዎች ይሰጣሉ፣ የበዓል ምግቦችም በውብ መንገድ ይዘጋጃሉ።

የመስዋዕት ሥርዓቱም በበዓሉ ዋና ክፍል ሲሆን፣ የተዘጋጀው ስጋ ለቤተሰብ፣ ለዘመድ እና ለተቸገሩ ሰዎች ይካፈላል።

በተጨማሪም በቱርክ በዓሉ ቤተሰቦችን ያቀራርባል፤ በኢንዶኔዢያ ደግሞ ማህበረሰቡን በአንድነት ያሰባስባል።

ኢድ አል አደሃ የሚያስተምረን ትልቅ ትምህርት አለ፤ ደስታ ውብ የሚሆነው ለብቻ ሳይሆን በመጋራት ነው፤ ሀብት ትልቅ የሚሆነው ለሌሎች ሲደርስ ነው፤ ፍቅርም ዋጋ የሚኖረው ሲካፈል ነው።

ኢድ አል አደሃ የደስታ ቀን ብቻ ሳይሆን የፍቅር፣ የመስዋዕትነት እና የመተሳሰብ መልዕክትን የሚያስታውስ በዓል ነው። የትም ቦታ ቢከበርም ልቦችን የሚያቀራርብ እና ሰዎችን በአንድነት የሚያሰባስብ ውብ አጋጣሚ ሆኖ ይቀጥላል።

በዚህ የተቀደሰ የኢድ አልአደሃ በዓል፣ ደስታ፣ ሰላም፣ ፍቅር እና በረከት በቤታችሁ ይብዛ። እንኳን ለኢድ አልአደሃ (አረፋ) በዓል በሰላም አደረሳችሁ፤ መልካም በዓል!”

በመዝሙረ ዳዊት