7ኛ ዙር ሀገር አቀፍ የምርምር ኮንፈረንስ በወልቂጤ ዩኒቨርሲቲ እየተካሄደ ነው
በወልቂጤ ዩኒቨርሲቲ አዘጋጅነት “በቴክኖሎጂ የታገዘ የፈጠራ ምርምር ለዘላቂ ልማት፣ ጤና እና ሁሉን አቀፍ ደህንነት” በሚል መሪ ቃል ሀገር አቀፍ የምርምር ኮንፈረንስ እየተካሄደ ነው።
በኮንፍረንሱ ላይ 29 የጥናትና ምርምር ስራዎች ቀርበው ውይይት እንደሚደረግባቸውም ነው የተመላከተው።
የወልቂጤ ዩኒቨርሲቲ ፕሬዚዳንት ፋሪስ ደሊል (ዶ/ር) በዚህ ወቅት፤ ኮንፈረንሱ “በቴክኖሎጂ የታገዘ የፈጠራ ምርምር ለዘላቂ ልማት፣ ጤና እና ሁሉን አቀፍ ደህንነት” በሚል መሪ ቃል መካሄዱ ወቅቱን የሚመጥን መሆኑን ተናግረዋል። ይህም ማህበረሰቡን እያጋጠሙ የሚገኙ ውስብስብ ችግሮችን በዕውቀት ላይ የተመሰረተ መፍትሄ ለመስጠት ዓይነተኛ ሚና እንደሚጫወት ገልፀዋል።
የኮንፈረንሱ ተሳታፊዎች በሚቀርቡ የጥናትና ምርምር ስራዎችና ግኝቶቻቸው ዙሪያ ልምድና ተሞክሮ ለመለዋወጥ ዕድል እንደሚፈጥርላቸው በማንሳት፤ ተሳታፊዎች በሚኖራቸው ቆይታ ጥያቄ በማንሳት፣ ምልከታቸውን በመሰንዘር እና ምሁራዊ ትስስራቸውን ይበልጥ በማጠናከር ረገድ የነቃ ተሳትፎ እንዲያደርጉ አስገንዝበዋል።
የዩኒቨርሲቲው የምርምርና ቴክኖሎጂ ሽግግር ጉዳዮች ምክትል ፕሬዝዳንት ዮሀንስ ገብሩ (ዶ/ር) በበኩላቸው፤ በዩኒቨርሲቲው በምርምር እና በቴክኖሎጂ ሽግግር ዘርፍ እየተከናወኑ የሚገኙ ተግባራት ውጤታማ መሆናቸውን ነው የጠቆሙት።
በኮንፈረንሱ ላይ 29 የጥናትና ምርምር ስራዎች ቀርበው ውይይት እንደሚደረግባቸው አስታውቀዋል።
ዛሬን ጨምሮ ለ2 ቀናት በሚካሄደው ኮንፈረንስ ላይ የማዕከላዊ ኢትዮጵያ ክልል የፖሊሲ ጥናትና ምርምር ተቋም ዋና ዳይሬክተር አክመል መሐመድ (ዶ/ር)፣ ከጅማ ዩኒቨርሲቲ ሱልጣን ሱለይማን (ፕሮፌሰር) ቁልፍ ንግግር አቅራቢ፣ ከባህር ዳር ዩኒቨርሲቲ ፋሲካው አጣነው(ዶ/ር) ቁልፍ ንግግር አቅራቢ፣ ከሀገሪቱ የተለያዩ ዩኒቨርሲቲዎች የተውጣጡ ጥናት አቅራቢዎች፣ የዩኒቨርሲቲው አመራሮችና መምህራን እንዲሁም ሌሎች እንግዶች እየተሳተፉ ነው።
ዘጋቢ፡ መሐመድ ሽሁር – ከወልቂጤ ጣቢያችን

More Stories
በጎፋ ዞን በኦርቶዶክስ እምነት ተከታዮች ሙሉ ወጪ የተገነባው የዱዛ ቅዱስ ገብርኤል ቤተ ክርስቲያን ህንፃ የአካባቢው ነዋሪዎች፣ የሐይማኖቱ መሪዎችና የዞኑ ከፍተኛ አመራሮች በተገኙበት ተመረቀ
ከተለያዩ ዞኖች የተውጣጡ የሀገር ሽማግሌዎች በቤተሰብ እና በጎሳ ደረጀ የሚያደርጉት ባህላዊ የምርቃት ስርአት በየአካባቢው እና በሀገር ደረጀ አንድነትን፣ ፍቅርንና ሰላምን በማስፈን የመንግስትን የሰላም ግንባታ ግብ ከስኬት ለማድረስ ከፍተኛ ድርሻ እንዳለው የሀዲያ ዞን ሰላምና ጸጥታ መምሪያ ገለጸ።
በዳውሮ ዞን ከ1 መቶ 28 ሺ በላይ ህፃናት በተቀናጀ ሀገር አቀፍ የፖሊዮ በሽታ መከላከያ ክትባት እንደሚሰጥ የዳውሮ ዞን ጤና መምሪያ አስታወቀ