ምክር ቤቶች የህዝብ ሉዓላዊነት መገለጫ በመሆናቸው ለህዝብ ተጠቃሚነት ቅድሚያ ሰጥተው እየሰሩ መሆናቸው ተጠቆመ
በዳውሮ ዞን የዋካ ከተማ አሰተዳደር ምክር ቤት 5ኛ ዙር 2ኛ ሥራ ዘመን 3ኛ መደበኛ ጉባኤውን አካሂዷል፡፡
ጉባኤውን በንግግር የከፈቱት የዋካ ከተማ ምክር ቤት ዋና አፈ ጉባኤ አቶ እስክንድር ተፈራ፤ ምክር ቤቶች የህዝብ ሉዓላዊነት መገለጫ ከመሆናቸውም ባለፈ በአገር ደረጃ የተጀመሩ የለውጥ ጉዞዎችን አጠናክረው በማስቀጠል የህዝብ ተጠቃሚነትን በማረጋገጥ ረገድ የበኩላቸውን ሚና እየተወጡ እንደሚገኙ ተናግረዋል።
በምክር ቤቶች የተከናወኑ ተግባራት አበረታች ቢሆኑም በቀጣይ ስራዎችን አጠናክሮ ማስቀጠል እንደሚገባም አመላክተዋል።
ለምክር ቤቱ 2018 በጀት ዓመት የ6 ወራት የተቋማት ረፖርት ያቀረቡት የዋካ ከተማ ከንቲባ አቶ ኢያኤል ታደስ፤ በተያዘው በጀት አመት የተሻለ ወጤት መመዝገቡን በመጠቆም በጠንካራ ጎን የተነሱትን በማስቀጠል፣ ደካማ ጎን ያሉትን ማሻሻል እንደሚገባ ገልጸዋል።
በጉባዔው የተነሱ ጉዳዮች በአስፈጻሚው አካላት ዘንድ በቀጣይ ወራት መሻሻል የሚገባቸው እንደሆኑ ተነስቷል።
ከጉባኤው አባላት መካከል ወ/ሮ መሰረት ሲሳይ እና አቶ ዘሪሁን ገበየሁ በጋራ በሰጡት አስተያየት፤ ምክር ቤቱ የህዝብ ሁለንተናዊ ተጠቃሚነትን ለማረጋገጥ በስፋት መወያየቱን አንስተዋል።
ከምክር ቤቱ አባላት ለተነሱ ጥያቄዎች ምላሽ እና ማብራሪያ ከመድረክ በመሥጠትና የቀረቡትን ሹመቶች በማፅደቅ ጉባኤው ተጠናቋል።
ዘጋቢ፡ አንዱዓለም ኡማ – ከዋካ ጣቢያችን

More Stories
በጎፋ ዞን በኦርቶዶክስ እምነት ተከታዮች ሙሉ ወጪ የተገነባው የዱዛ ቅዱስ ገብርኤል ቤተ ክርስቲያን ህንፃ የአካባቢው ነዋሪዎች፣ የሐይማኖቱ መሪዎችና የዞኑ ከፍተኛ አመራሮች በተገኙበት ተመረቀ
ከተለያዩ ዞኖች የተውጣጡ የሀገር ሽማግሌዎች በቤተሰብ እና በጎሳ ደረጀ የሚያደርጉት ባህላዊ የምርቃት ስርአት በየአካባቢው እና በሀገር ደረጀ አንድነትን፣ ፍቅርንና ሰላምን በማስፈን የመንግስትን የሰላም ግንባታ ግብ ከስኬት ለማድረስ ከፍተኛ ድርሻ እንዳለው የሀዲያ ዞን ሰላምና ጸጥታ መምሪያ ገለጸ።
በዳውሮ ዞን ከ1 መቶ 28 ሺ በላይ ህፃናት በተቀናጀ ሀገር አቀፍ የፖሊዮ በሽታ መከላከያ ክትባት እንደሚሰጥ የዳውሮ ዞን ጤና መምሪያ አስታወቀ