በ6ኛው የኢፌዲሪ የህዝብ ተወካዮችና የፌዴሬሽን ምክር ቤቶች 3ኛ ዓመት የስራ ዘመን የጋራ ስብሰባ ፕሬዝዳንት ሳኅለወርቅ ዘውዴ በመክፈቻ ንግግራቸው ያነሷቸው ዋና ዋና ነጥቦች፡-

በ6ኛው የኢፌዲሪ የህዝብ ተወካዮችና የፌዴሬሽን ምክር ቤቶች 3ኛ ዓመት የስራ ዘመን የጋራ ስብሰባ ፕሬዝዳንት ሳኅለወርቅ ዘውዴ በመክፈቻ ንግግራቸው ያነሷቸው ዋና ዋና ነጥቦች፡-

ጉልበታችንና ጊዜያችንን ከትላንት ይልቅ በነገ ላይ እናውል፡፡ ይህ የዚህ ትልቅ ትውልድ ሃላፊነት ነው፡፡

እኛ ኢትዮጵያዊያን በጋራ ትብብር በርካታ ችግሮችንና ተግዳሮቶችን ተሻግረናል፤ ከእኛም በማለፍ ለሌሎች ጥበብና ስልጣኔን ማካፈልም ችለናል፡፡

መንግስት ባለፉት 3 ዓመታት ጀምሮ ባዘጋጀው የ10 ዓመት የልማት እቅድ አፈጻጸም በሁሉም የእድገት አመላካች ዘርፎች ተስፋ ሰጪ ውጤቶች ተመዝግቧል ፡፡

በሰሜኑ የሀገራችን ክፍል የነበረውን ደም አፋሳሽ ጦርነት የሰላም ስምምነት አድረገናል፤ ለአፍሪካዊ ችግር የአፍሪካዊ መፍትሔ የሚለው መርህ በአህጉራችን ውጤታማ መሆኑ በተግባር ተረጋግጧል፡፡

ያደሩና ለዘመናት የነበሩ የሀሳብ ልዩነቶችን ለማስታረቅና ለማቀራረብ ሀገራዊ የምክክር ኮሚሽን አቋቁመናል፡፡

የቀደሙ ክፍተቶችን ዝንፈቶችን በማረም የወደፊት ዕድላችንን ተመካክረን ለማቅናት የተሻለች ኢትዮጵያን የመፍጠር እድል በእጃችን ነው፡፡

መንግስት ዘርፈ ብዙ የዕድገት አማራጮችን ነድፎ እየሰራ ነው፤ በዚህም ኢኮኖሚያችን ከገባበት ቅርቃር እየወጣ በለውጥ አዙሪት ውስጥ እንዲገባ በማድረግ ተከታታይ እድገት እንዲመዘገብ አስችሏል፡፡

ባለፈው አንድ አመት 7.5 በመቶ ጥቅል ሀገራዊ የኢኮኖሚ ዕድገት ተመዝግቧል፡፡

መንግስት የሀገሪቷን ሀገረ መንግስት ለማረጋገጥ ባለፉት 3 ዓመታት ጀምሮ ባዘጋጀው የ10 ዓመት የልማት እቅድ አፈጻጸም በሁሉም የእድገት አመላካች ዘርፎች ተስፋ ሰጪ ውጤቶች ተገኝተዋል፡፡

የትላንት ታሪክ የአብሮነት መገንቢያ እንጂ የልዩነት መነሻ መሆን የለበትም፡፡

ያለፈው ዓመት የዓባይ ግድብ 4ኛ ዙር የውኃ ሙሌት እና ከ90 በመቶ በላይ ግንባታው መጠናቀቁን የሰማንበት ዓመት ነበር፡፡

ኢትዮጵያ ታምርት ንቅናቄ 160 ፋብሪካዎች ወደ ስራ ገብተዋል፡፡

ባለፉት ዓመታት የታዩ ውጤቶችን በማስቀጠል ምርትና ምርታማነትን ለማሳደግ ከምርት አቅርቦት የሚመነጭ የዋጋ ግሽበትን ለመቀነስ ይሰራል፡፡

የሀገር ውስጥ ንግድ ስርዓትና ጥራት በማረጋገጥ በትኩረት ይሰራል፡፡

በመጭው 3 ዓመት ውስጥ 9.15 ሚሊየን ለሚሆኑ ዜጎች የስራ ዕድል ለመፍጠር የሚሰራ ይሆናል፡፡