የለውጡ መንግስት ያስመዘገባቸውን ድሎችን በላቀ ሀላፊነትና ቁርጠኝነት ልናስቀጥል እንደሚገባ ተገለጸ
ይህ የተባለው “ትላንት፣ ዛሬንና ነገን ለኢትዮጵያ ልዕልና” በሚል መሪ ቃል የአርባምንጭ ክልል ማዕከል ኢኮኖሚ ቁጥር 1 የብልጽግና ህብረት የመጋቢት 24 ቀን በዓል መድረክ ላይ ነው፡፡
በአርባምንጭ ማዕከል በተዘጋጀው መድረክ ተሳታፊ የሆኑ አካላት መንግስት በለውጡ ዓመታት በርካታ ፈተናዎችን ተጋፍጧል ብለዋል።
የኑሮ ውድነቱንና የነዳጅ አቅርቦትን ከማሻሻል አንፃርም በቀጣይ ቀሪ ተግባራት እንደሚጠበቅ ጠቁመዋል።
በመጋቢት ወር የተበሰረው ብስራት ፓርቲው በሂደቱ ያደረጋቸው ተጋድሎዎች ውጤት ነው ያሉት ተሳታፊዎቹ፤ በፈተናዎች ውስጥ ሆኖ የሚታይና የሚጨበጥ ለውጥ መመዝገቡም ተመላክቷል።
በማዕድን፣ በቱሪዝም፣ ሀይል አቅርቦቱ ዘርፍ መሰረት የተጣለበት በመጋቢት 24 እንደሆነና በዚህም ሀገራችን ለውጥ ማስመዝገቧን አውስተዋል።
መንግስት በከተማ የምግብ ዋስትናን ለማረጋገጥ ተጨባጭ ተግባራትን ከማከናወኑም ባሻገር የዲጂታል ኢኮኖሚን ተግባራዊ ማድረግ መቻሉ የሚታዩና የሚጨበጡ ለውጦች አሉም ብለዋል ተሳታፊዎቹ።
በሀገራችን ተግባራዊ የተደረገው ሪፖርትም ጥልቅ፣ ተጨባጭ እና አካታች እንደሆነ ያወሱት ተሳታፊዎቹ፤ በኢኮኖሚና ማህበራዊ ዘርፍ ለውጥ እንዲመዘገብ ማድረጉን አብራርተዋል።
ውጤቶች እንዳሉ ሁሉ ድጋፍ የሚሹ ተግባራት እንደሚገኙ ያብራሩት ተሳታፊዎቹ ያሉንን ፀጋዎች ተጠቅመን የሚስተዋሉ ክፍተቶችን ለመፍታት ሁሉም በባለቤትነት ሊንቀሳቀስ ይገባል ብለዋል።
የለውጡ መንግስት እንዲወለድ ያደረገው ምክንያት የሰላም እጦት መሆኑን ጠቁመው ሰላሙን ለማስጠበቅ ብዙ መስዋዕትነት መከፈሉንና በቀጣይም ሰላምን ለማረጋገጥ በቅንጅት መስራት እንደሚገባ ገልጸዋል።
የደቡብ ኢትዮጵያ ክልል ንግድና ገበያ ልማት ቢሮ ኃላፊ ወ/ሮ ሰናይት ሰለሞን፤ የለውጡ መንግስት ያስመዘገባቸውን ድሎች በላቀ ሀላፊነትና ቁርጠኝነት ልናስቀጥል ይገባል ብለዋል።
ሀገራችን በተለያዩ ጊዜያት የሚቃጣባትን ጫና ተቋቁማ ማለፍና መመከት መቻሏን የተናገሩት ወ/ሮ ሰናይት፤ በፀጥታ ተቋማት እያደገ የሚሔድ ሀይል መገንባቱንና ችግሮችን በተጨባጭ መፍታት መቻሉን ጠቁመዋል።
በሀገራችን ጉዳይ ላይ ሁላችንም እኩል ሀላፊነት ያለብንና በሀገረ መንግስት ግንባት ከማጠናክርና ተሳትፎነታችንን ማጠናከር ይጠበቅብናል ያሉት ደግሞ የደቡብ ኢትዮጵያ ክልል ቴክኒክና ሙያ ቢሮ ኃላፊ አቶ አብዮት ደምሴ ናቸው።
የለውጡ ጅማሬ ከመበሰሩ በፊት የነበሩ ችግሮችን በጥበብ ያለፍንበትና እንደሀገር የቀጠልንበትን አኩሪ ተግባር አጠናክሮ ማስቀጠል ያሻል ብለዋል።
ዘጋቢ፡ ተመኙህ ገረሱ – ከአርባምንጭ ጣቢያችን
የለውጡ መንግስት ያስመዘገባቸውን ድሎችን በላቀ ሀላፊነትና ቁርጠኝነት ልናስቀጥል እንደሚገባ ተገለጸ
More Stories
ወርቅነህ ገበየሁ (ዶ/ር) ለጠቅላይ ሚኒስትር ዐቢይ አሕመድ (ዶ/ር) የእንኳን ደስ አለዎት መልዕክት አስተላለፉ
ለአፍሪካ ተምሳሌት ከሆነ ምርጫ ወደ መንግሥት ምስረታ!
ትልቅ ሀገር፣ ትልቅ ህዝብ፤ ታላቅ ርዕይ