ኤንዞ ፌርናንዴዝ ከማንችስተር ሲቲ ጋር በግል ጉዳዮች ከስምምነት ላይ ደረሰ!

ኤንዞ ፌርናንዴዝ ከማንችስተር ሲቲ ጋር በግል ጉዳዮች ከስምምነት ላይ ደረሰ!

አርጀንቲናዊው የአማካይ ስፍራ ተጫዋች ኤንዞ ፌርናንዴዝ ወደ ማንችስተር ሲቲ ለማዛወር በግል የኮንትራት መርሆች መስማማቱ ተዘግቧል።

አሁን ላይ የቀረው በሁለቱ ክለቦች መካከል የሚደረገው የዋጋ ድርድርና ውሳኔ ብቻ ነው ተብሏል።

ኤንዞ ፌርናንዴዝ ወደ ማንችስተር ሲቲ ለመቀላቀልና ከቀድሞ አሰልጣኙ ኤንዞ ማሬስካ ጋር እንደገና ለመገናኘት ፍላጎት እንዳለው በመግለጽ የግል ውሉን አጠናቋል።

ቼልሲዎች ተጫዋቹን በቀላሉ የመልቀቅ ፍላጎት የላቸውም። ሰማያዊዮቹ ዝውውሩን የሚፈቅዱት የጠየቁት የዝውውር ዋጋ (በግምት እስከ 120 ሚሊዮን ፓውንድ) ከተከፈላቸው እና በተመሳሳይ ሰዓት ለቦታው የሚሆን ተተኪ አማካይ ማስፈረም ከቻሉ ብቻ እንደሆነ አስታውቀዋል።

ማንችስተር ሲቲ እስካሁን ይፋዊ የገንዘብ ጥያቄ ባያቀርብም፣ የዝውውር መስኮቱ ከመዘጋቱ በፊት ስምምነቱን ለማጠናቀቅ ከቼልሲ ጋር ጥብቅ ንግግር ለመጀመር ተዘጋጅቷል።

ቼልሲ ከቀናት በፊት በካራባኦ ካፕ ሉተን ታውንን 2-0 በረታበት ጨዋታ ኤንዞ ፌርናንዴዝ ከስብስቡ ውጪ መደረጉ ዝውውሩ መቃረቡን የሚያሳይ ትልቅ ምልክት ተደርጎ ተወስዷል።

በሌላ በኩል ቼልሲዎች የኤንዞን መልቀቅ ታሳቢ በማድረግ የሞናኮውን አማካይ ላሚን ካማራ ለመተካት የጀመሩትን ንግግር በማፋጠን ላይ ይገኛሉ።

ዘጋቢ፡ ሙሉቀን ባሳ