የሲዳማ ክልል የግብርና ኢንቨስትመንት ፎረም በሐዋሳ ከተማ እየተካሄደ ነው

የሲዳማ ክልል የግብርና ኢንቨስትመንት ፎረም በሐዋሳ ከተማ እየተካሄደ ነው

ፎረሙ በርካታ ኢንቨስተሮችን ያሳተፈ መሆኑም ተገልጿል።

በሲዳማ ክልል የግብርና ዘርፍ ያለውን የኢንቨስትመንት አቅም ለማስተዋወቅ፣ አዳዲስ የኢንቨስትመንት ዕድሎችን ለመፍጠርና ባለሀብቶችን ወደ ክልሉ ለመሳብ ያለመ የሲዳማ ክልል የግብርና ኢንቨስትመንት ፎረም 2019 በሐዋሳ ከተማ እየተካሄደ ይገኛል።

ፎረሙ በግብርና ዘርፍ የሚገኙ የኢንቨስትመንት ዕድሎችን በማስተዋወቅ፣ የግሉ ዘርፍ ተሳትፎን በማጠናከርና የልማት አጋርነትን በማስፋፋት ለክልሉ የግብርና ልማት የሚያበረክተው አስተዋፅኦ ከፍተኛ እንደሚሆን ይጠበቃል።

ከግብርና ምርት ዕድገት፣ ምርታማነትን ከማሳደግ፣ ከምርት ማቀነባበርና ከገበያ ትስስር ጋር በተያያዙ ጉዳዮች ላይ ትኩረት በማድረግ፣ በክልሉ ያሉ የግብርና ሀብቶች ወደ ተጨባጭ የኢኮኖሚ ትርፍ እንዲቀየሩ የሚያግዝ መድረክ ነው።

ፎረሙ በሐዋሳ ከተማ የተጀመረ ሲሆን እስከ ነገ ድረስ የሚቆይ መሆኑ ታውቋል።

በፎረሙ ላይ የሲዳማ፣ የደቡብ ኢትዮጵያ፣የማዕከላዊ ኢትዮጵያ እና የደቡብ ምዕራብ ኢትዮጵያ ክልሎች እየተሳተፉ ይገኛሉ።

የግብርና ሚኒስቴር ባወጣው መረጃ መሠረት ፎረሙ ከጥቅምት 28 እስከ 29 ቀን 2019 ዓ.ም በሐዋሳ ከተማ ሲዳማ ባህል አዳራሽ እየተካሄደ ነው።

ዘገቢ፡ መሐሪ አድነው