ርዕሰ መስተዳድር ተስፋዬ በልጅጌ (ዶ/ር) ጂንካ ከተማ ገቡ

ርዕሰ መስተዳድር ተስፋዬ በልጅጌ (ዶ/ር) ጂንካ ከተማ ገቡ

የደቡብ ኢትዮጵያ ክልል ርዕሰ መስተዳድር ተስፋዬ በልጅጌ (ዶ/ር) ለይፋዊ የስራ ጉብኝት ኣሪ ዞን ጂንካ ከተማ ገብተዋል፡፡

ርዕሰ መስተዳድሩ ለይፋዊ የሥራ ጉብኝት ጂንካ አውሮፕላን ማረፊያ ሲደርሱ በኣሪ ዞን ዋና አስተዳዳሪ አቶ አፌዶ ወርቁ የተመራ የዞንና የከተማ አስተዳደሩ ከፍተኛ አመራሮችን ጨምሮ የደቡብ ኦሞ ዞን የአመራሮች ቡድን አቀባበል አድርገውላቸዋል።

በሚኖራቸው ቆይታም ከመንግስት የስራ ኃላፊዎችና ከአካባቢ ነዋሪዎች ተወካዮች ጋር ውይይቶችን ያደርጋሉ ተብሎ ይጠበቃል።

በጉብኝቱ የደቡብ ኢትዮጵያ ክልል የመንግስት ዋና ተጠሪ አበባየሁ ታደሰ(ዶ/ር) ጨምሮ ሌሎች የክልሉ፣ የዞንና የከተማ አስተዳደር ከፍተኛ አመራሮች ተገኝተዋል።

ዘጋቢ፡ ወንድሜነህ አድማሱ – ከጂንካ ጣቢያችን