የደቡብ ኢትዮጵያ ክልል መንግሥት መሬት አስተዳደር ቢሮ በጌዴኦ ዞን ገደብ ወረዳ ሐሎሀርጡሜ ቀበሌ በክረምት በጎ ፈቃድ አገልግሎት ለአቅመ ደካማ እናት ያስገነባውን ቤት ከነሙሉ የቤት ቁሳቁስ አስረከበ
ወ/ሮ እታገኘሁ ጌታሁን በገደብ ወረዳ የሐሎሀርጡሜ ቀበሌ ነዋሪ ናቸው። ባለቤታቸውን በሞት ከተነጠቁ ዓመታትን አስቆጥረዋል። ልጆቻቸውን ለማሳደግ ብቻቸውን በርካታ ዓመታትን ሲታትሩ የቆዩ ሲሆን በወደቀና በሚያፈስ ቤት ውስጥ በአስቸጋሪ ሁኔታ ይኖሩ እንደነበር ነው የሚናገሩት።
አሁን ላይ የበርካቶችን እንባ እያበሰ በሚገኘው የክረምት በጎ ፈቃድ አገልግሎት የደቡብ ኢትዮጵያ ክልል መንግሥት መሬት አስተዳደር ቢሮ ቤታቸውን ገንብቶ ከነሙሉ የቤት እቃ በማስረከቡ ከጭንቀታቸው ማረፋቸውን ገልጸዋል።
በዚህም መደሰታቸውን የሚናገሩት ወ/ሮ እታገኘሁ የክልሉን መንግሥት የመሬት አሰተዳደር ቢሮና ባለድርሻ አካላትን አመስግነዋል።
የደቡብ ኢትዮጵያ ክልል መንግሥት መሬት አስተዳደር ቢሮ የኢንቨስትመንትና መሬት ልየታና ዝግጅት ዳይሬክቶሬት ተወካይ እና የበጎ አገልግሎቱ አስተባባሪ አቶ ታምራት ጌታቸው እንደተናገሩት፤ የቤቱ ግንባታና የቤት ቁሳቁሱ ከ1.4 ሚሊየን ብር በላይ ወጭ የወጣበትና አንድ ወር ባልሞላ ጊዜ ውስጥ የተጠናቀቀ ሲሆን በወረዳው በተደራጁ ማህብራት የግንባታው ግብአት ስራው መፈጸሙ በስራ ዕድል ፈጠራ ዘርፍም አስተዋጽኦ አበርክቷል።
የክረምት በጎ ፈቃድ አገልግሎት ማህበራዊን ዘርፍ ከመደገፍ አንጻር ያለው ፋይዳ ከፍተኛ ነውም ብለዋል።
የጌዴኦ ዞን አስተዳዳሪ ዋና አማካሪና የዋና አስተዳዳሪው ተወካይ አቶ ዳንኤል ሽፈራው በበኩላቸው፤ ቢሮው ለሌሎች አርአያ በሚሆን መልኩ ለአቅመ ደካማዋ ቤት ገንብቶ በማስረከቡ በዞኑ አስተዳደር ስም አመስግነዋል።
የደቡብ ኢትዮጵያ ክልል መንግሥት መሬት አስተዳደር ቢሮ ኃላፊ አቶ ሰብስቤ ቡናቤ በክረምት ወራት የተሰሩ የበጎ ፈቃድ አገልግሎቶች የብልጽግና ፓርቲ ሰው ተኮር መሆኑን ያሳየበት ነው ብለው፤ ቢሮው ለወ/ሮ እታገኘሁ በ24 ቀናት ውስጥ ቤት ገንብቶ ማስረከቡን ገልጸዋል።
ዘጋቢ: እስራኤል ቅጣው – ከይርጋጨፌ ጣቢያችን
የደቡብ ኢትዮጵያ ክልል መንግሥት መሬት አስተዳደር ቢሮ በጌዴኦ ዞን ገደብ ወረዳ ሐሎሀርጡሜ ቀበሌ በክረምት በጎ ፈቃድ አገልግሎት ለአቅመ ደካማ እናት ያስገነባውን ቤት ከነሙሉ የቤት ቁሳቁስ አስረከበ
More Stories
የግብርና ምርታማነትን በማሳደግ የምግብ ዋስትናን ለማረጋገጥ በትኩረት እየተሰራ ነው
በክልሉ የጸረ ሙስና ትግልን በማጠናከር ፍትሐዊ የሐብት ተጠቃሚነትን ለማረጋገጠ እየሠራ መሆኑን የደቡብ ኢትዮጵያ ክልል ሥነ ምግባርና ጸረ ሙስና ኮሚሽን ገለጸ
በወላይታ ዞን ካዎ ኮይሻ ወረዳ በጤና ተቋም ለወላድ እናቶች እየተሰጠ ያለው አገልግሎት ከጊዜ ወደ ጊዜ እየተሻሻለ መምጣቱን ተጠቃሚ እናቶች ተናገሩ