ጳጕሜን 5 “የነገው ቀን” በኮሬ ዞን በልዩ ልዩ ዝግጅቶች እየተከበረ ነው
በዲጂታላይዜሽን ጉዞ የተከናወኑ የ“መሶብ” የአንድ ማዕከል አገልግሎት፣ የ“5 ሚሊዮን ኢትዮ-ኮደርስ” ስልጠና እና ዲጂታል ቴክኖሎጂ የነገን ከፍታ የሚወስኑ ሥራዎች በመሆናቸው እነዚህን በማሰብ “የነገው ቀን” መከበሩ የተለየ እንደሚያደርገው ተገልጿል።
የዕለቱን መርሐ ግብር በንግግር የከፈቱት የኮሬ ዞን ብልጽግና ፓርቲ ቅርንጫፍ ጽህፈት ቤት ኃላፊ እና የመንግሥት ዋና ተጠሪ አቶ ወገኔ ጌታቸው በመልዕክታቸው እንዳሉት፣ ዘንድሮ በዓመቱ መጨረሻ የነገውን ቀን ስናከብር ከወረቀት ወደ ዲጂታል ቴክኖሎጂ ሪፎርም የምናደርገውን ጉዞ እውን ለማድረግ መትጋት እንዳለብን በማሰብ ነው ብለዋል።
የዞኑ ምክትል አስተዳዳሪ እና የግብርና መምሪያ ኃላፊ አቶ ተረፈ ተካራ በበኩላቸው በእያንዳንዱ የጳጉሜን ቀናት የሚተላለፉ መልዕክቶች ለነገው ጉዞአችን ማቀድና መተግበር እንድንችል መነሻ ይሆናሉ ሲሉ አስረድተዋል።
ኢንጂነር ዮሐንስ ሀይሉ እና ወጣት አንተነህ ተኳሽ የተባሉ ተሳታፊዎች በሰጡት አስተያየት፣ የትኞቹም ተግባራት ወደ ዲጂታል ቴክኖሎጂ እያደጉ በመሆናቸው ከአመራር ጀምሮ ሁሉም አካላት ክህሎትን ለማሳደግ መረባረብ አለባቸው ብለዋል።
ነገአችን እንዲሳካ ሲቪል ሰርቫንቱ 80 በመቶ ዲጂታል ተጠቃሚ እንዲሆንና በቀጣይም 12 በመቶ ለማሳደግ የተያዘውን ዕቅድ እውን ለማድረግ ከጊዜው ጋር መሄድ እንደሚጠበቅ በውይይቱ ተነስቷል።
ዘጋቢ፡ ምርጫ መላኩ – ከይርጋጨፌ ጣቢያችን
ጳጕሜን 5 “የነገው ቀን” በኮሬ ዞን በልዩ ልዩ ዝግጅቶች እየተከበረ ነው
More Stories
የኢትዮጵያ ብሔሮች፣ ብሔረሰቦችና ህዝቦች ቀን በዓል ብዝሃነትን በማስተናገድ ሀገራዊ አንድነትን ከማረጋገጥ ረገድ ትልቅ አበርክቶ እንዳለው ተገለፀ
በአካባቢው ሊለሙ የሚችሉ ጸጋዎችን በመጠቀም አካባቢውን መቀየርና ለሀገራዊ ዕድገት አበርክቶ እንዲኖረው ለማስቻል አስፈላጊ ጥረቶች እንደሚያደርጉ የደቡብ ኢትዮጵያ ክልል ርዕሰ መስተዳድር ተስፋዬ በልጅጌ (ዶ/ር) አስታወቁ
የአንድ ማህበረሰብ ቋንቋ ለትውልድ እንዲተላለፍ እና በጽሑፍ እንዲበለጽግ የቋንቋ ሰዋሰው ጥናት ወሳኝ ሚና አለው – የደቡብ ኢትዮጵያ ክልል መንግስት ባህልና ስፖርት ቢሮ