በዞኑ የቱሪስት ፍሰት ከጊዜ ወደ ጊዜ እየጨመረ መምጣቱን የኮንሶ ዞን ቱሪዝም መምሪያ አስታወቀ
በ2018 በጀት አመት ከ3 ሺህ በላይ የሀገር ውስጥና የውጪ ጎብኚዎች ዞኑን የጎበኙ ሲሆን ከ 4 ሚሊየን ብር በላይ ገቢ መገኘቱ ተመላክቷል።
የኮንሶ ዞን ቱሪዝም መምሪያ ኃላፊ አቶ ዝናቡ ገሠሠ በ2018 በጀት አመት 438 የሀገር ውስጥና 2 ሺህ 851 የውጭ ሀገር ጎብኝዎች ዞኑን የጎበኙ ሲሆን ከዚህም 4 ሚሊየን 550 ሺህ ብር መገኘቱን አስታውቀዋል።
ከ2017 በጀት አመት ጋር ሲነጻጸር ከፍተኛ የጎብኚ ቁጥር የጨመረ እና አፈፃፀሙም 168 በመቶ የገቢ ብልጫ እንዳለው አመላክቷል።
በሀገር ደረጃ የተደረገው የፖሊሲ ለውጥ፣ የዞኑ ሰላም መሆን አልፎም ቱሪዝሙን ወደ ፊት የማምጣቱ ተግባር ትልቅ መነቃቃት በመፍጠሩ የቱሪስቱንና የገቢ አቅም እንዲጨምር ከፍተኛ አስተዋጽኦ ማበርከቱን አቶ ዝናቡ ገልጸዋል።
በቀጣይ የጎብኚዎችን ቁጥር በከፍተኛ ደረጃ ለማሳደግ መዳረሻዎቹን ምቹና ሳቢ እንዲሆኑ፣ ቀልጣፋ አገልግሎት እንዲኖር ከማድረግ ባሻገር ማህበረሰብ አቀፍ ቱሪዝምን ለማሳደግ ከሚመለከታቸው አካላት ጋር በመቀናጀት አዳዲስ ስትራቴጂዎች መቀረጻቸው ተጠቁሟል።
በሀገራችን የሚገኙ የቱሪዝም መዳረሻዎች ከሀገር አልፎ ለዓለም በይበልጥ ለማስተዋወቅ የሁሉም ድርሻ የጎላ በመሆኑ ሀላፊነታቸውን እንዲወጡ የመምሪያው ኃላፊ አጽንኦት ሰጥተዋል።
ዘጋቢ: ተዋበች ዳዲ – ከአርባ ምንጭ ጣቢያችን
በዞኑ የቱሪስት ፍሰት ከጊዜ ወደ ጊዜ እየጨመረ መምጣቱን የኮንሶ ዞን ቱሪዝም መምሪያ አስታወቀ
More Stories
የአርሰናሉ አርክቴክት አርሴን ቬንገር የመጀመሪያ ድላቸውን ያሳኩበት ቀን
የዳውሮ ዞን ምክር ቤት 4ኛ ዙር 14ኛ ዓመት 12ኛ አስቸኳይ ጉባኤ እየተካሄደ ነው
ኢትዮጵያ እና ሰንደቅ ዓላማ አይነጣጠሉም