የደቡብ ክልል ምክትል ርዕሰ መስተዳድር አቶ ርስቱ ይርዳው በዮ.. ማስቃላ በዓል ለጋሞ ዞን ሕዝብ መልዕክት አስተላለፉ

የደቡብ ብሔሮች ብሔረሰቦችና ህዝቦች ክልላዊ መንግስት ምክትል ርዕሰ መስተዳደር አቶ ርስቱ ይርዳው የዮ.. ማስቃላ በዓልን አስመልክቶ መልዕክት አስተላለፉ፡፡

በመልዕክታቸው የጋሞ ዞን ህዝብ ራሱን፣ አካባቢውን ብሎም ሀገሩን ወደ ብልጽግና ለማሻጋገር ከመቼውም ጊዜ በላቀ ትጋት መንቀሳቀስ አለበት ብለዋል፡፡

የዞኑ ወጣቶችም አባቶች ያስጠበቁትን የሰላምና የይቅርታ ወርቅ ባህል በመረከብ ምክንያታዊነትን፣ አብሮነትን፣ ትብብርን፣ ሰላምና ፍቅርን መርህ በማድረግ የዞኑን ብሎም የክልሉን ህዝቦች የለውጥ ፍላጎት እውን እንዲሆን በመስራት ታሪካቸውን በደማቅ ቀለም እንዲጽፉ ጥሪያቸውን አቅርበዋል፡፡

ምሁራንም የጋሞ አባቶች ተንበርክከው እና እርጥብ ሳር ይዘው ለምድሪቱ ሰላም ያወረዱበትን ድንቅ ዕሴት በማጎልበት፣ ለሰላም፣ ለልማትና ለዴሞክራሲ ስርዓት ግንባታ የምርምር ስራዎችን በማቅረብና ሳይንሳዊ ድጋፍ በመስጠት ድህነትንና ኋላቀርነትን በመታገል የዜግነት ግዴታቸውን መወጣት እንደሚኖርባቸው አሳስበዋል፡፡

ምንጭ፡ የጋሞ ዞን አስተዳደር የህዝብ ግንኙነት ጽ/ቤት

ኢትዮጵያ በመጀመሪያ ደረጃ ጤና ክብካቤ ላስመዘገበችው ውጤት የዕውቅና ሽልማት አገኘች

ሀዋሳ፡ መስከረም 14/2012 ዓ.ም (ደሬቴድ) ኢትዮጵያ በመጀመሪያ ደረጃ ጤና ክብካቤ ላስመዘገበችው ውጤት የዕውቅና ሽልማት ማግኘቷን የጤና ሚኒስቴር አስታወቀ፡፡

በኒውዮርክ ከተማ እየተካሄደ ባለው የተባበሩት መንግስታት ጠቅላላ ጉባዔ ላይ ኢትዮጵያ የመጀመሪያ ደረጃ ጤና ክብካቤ ላስመዘገበችው ውጤት የዕውቅና ሽልማት ለፕሬዝደንት ሳህለወርቅ ዘውዴ ተበርክቶላቸዋል::

ዉጤቱ ሊዘገብ የቻለው የመጀመሪያ ደረጃ ጤና ክብካቤ የጀርባ አጥንት ሆነው በሚሰሩት የጤና ኤክስቴንሽን ሰራተኞች ትጋት እንደሆነ የጤና ሚኒስቴር ገልጿል::

ይህንን የዕውቅና ሽልማት ያበረከተው አክሰስ ቻሌንጅ በመባል የሚታወቅ መቀመጫውን አሜሪካን ሀገር ያደረገ በጤና እና ትምህርት ተደራሽነት ላይ የሚሰራ ድርጅት መሆኑ ተጠቁሟል::
ሽልማቱን ዶክተር ጽዮን ፍሬው ኢትዮጵያን በመወከል ተቀብላለች::

ምንጭ፡ የጤና ሚኒስቴር

የምስራቅ አፍሪካ አገራት አመራሮች ለፈጠሩት ሰላምና የኢኮኖሚ ትስስር እውቅና ተቸራቸው

የኢትዮጵያው ጠቅላይ ሚኒስትር ዶ/ር አብይ አህመድ፣ የኤርትራው ፕሬዚዳንት ኢሳያስ አፈወርቂና የሶማሊያው ፕሬዚዳንት ሙሃመድ አብዱላሂ የኮንኮርዲያ ዓመታዊ የአመራር ሽልማት አሸናፊ ሆነው ተመረጡ።

መሪዎቹ ሽልማቱን አሸናፊ የሆኑት በአፍሪካ ቀንድ አካባቢ ባሉ አገሮች መካከል ለተፈጠረው ሰላም እና የኢኮኖሚ ትስስር ላበረከቱት አስተዋጽፆ ነው።

ሶስቱ አመራሮች ተቀራርበውና ተደጋግፈው መስራት በመቻላቸው በአካባቢው ሰላም እንዲሰፍን እንዲሁም የኢኮኖሚ ትስስር እንዲፈጠር በማድረጋቸው የኮንኮርዲያ ዓመታዊ የአመራር ሽልማት አሸናፊ ለመሆን እንዳበቃቸው ሽልማቱን ያዘጋጀው ድርጅት ገልጿል።

ሽልማቱን በተባበሩት መንግስታት ስብሰበባ ላይ እየተካፈሉ የሚገኙት የሶማሊያው ፕሬዚዳንት ሙሃመድ አብዱላሂ ተቀብለዋል። ፕሬዚዳንቱ በሽልማቱን በተቀበሉበት ወቅት የቀጠናውን ሰላም ቀጣይነት ለማረጋገጥ የበለጠ እንደሚሰሩ ገልጸዋል ሲል ድርጅቱ በድረገጹ አስፍሯል።

ሰባት ሚሊየን ብር የሚያወጣ ወርቅና በርካታ የዉጪ አገር ገንዘቦች ተያዙ

ሀዋሳ፡ መስከረም 14/2012 ዓ.ም (ደሬቴድ) በጉምሩክ ኮሚሽንየ ጅግጅጋ ቅርንጫፍ ጽህፈት ቤት የቶጎ ጫሌ መቅርጫ ጣቢያ 7 ሚሊየን ብር የሚያወጣ 5 ኪሎ ግራም ወርቅና የውጪ አገር ገኝዘቦችን መያዛቸውን የገቢዎች ሚኒስቴር አስታወቀ፡፡

መስከረም 13 ቀን 2012 ዓ.ም ከለሊቱ 9 ሰዓት አካባቢ ከሰሌዳ ቁጥር ኮድ3-05861 ድሬ አይሱዚ ኤክስፖርት የሚደረግ ጫት የጫነ ተሽከርካሪ የቶጎጫሌ ፈታሾች ባደረጉት ጥረትና ጠንካራ ፍተሻ 5 ኪሎ ግራም ጥፍጥፍ ወርቅ፤ 175 ሺህ 584 የሳውዲ ሪያል፣ 7 ሺህ155 ድርሀም 63 ሺህ 035 የአሜሪካን ዶላር እና 146 ሺህ 500 የሳውዲ ሪያል በቁጥጥር ስር ውሏል፡፡