ኢትዮጵያ በመጀመሪያ ደረጃ ጤና ክብካቤ ላስመዘገበችው ውጤት የዕውቅና ሽልማት አገኘች

ሀዋሳ፡ መስከረም 14/2012 ዓ.ም (ደሬቴድ) ኢትዮጵያ በመጀመሪያ ደረጃ ጤና ክብካቤ ላስመዘገበችው ውጤት የዕውቅና ሽልማት ማግኘቷን የጤና ሚኒስቴር አስታወቀ፡፡

በኒውዮርክ ከተማ እየተካሄደ ባለው የተባበሩት መንግስታት ጠቅላላ ጉባዔ ላይ ኢትዮጵያ የመጀመሪያ ደረጃ ጤና ክብካቤ ላስመዘገበችው ውጤት የዕውቅና ሽልማት ለፕሬዝደንት ሳህለወርቅ ዘውዴ ተበርክቶላቸዋል::

ዉጤቱ ሊዘገብ የቻለው የመጀመሪያ ደረጃ ጤና ክብካቤ የጀርባ አጥንት ሆነው በሚሰሩት የጤና ኤክስቴንሽን ሰራተኞች ትጋት እንደሆነ የጤና ሚኒስቴር ገልጿል::

ይህንን የዕውቅና ሽልማት ያበረከተው አክሰስ ቻሌንጅ በመባል የሚታወቅ መቀመጫውን አሜሪካን ሀገር ያደረገ በጤና እና ትምህርት ተደራሽነት ላይ የሚሰራ ድርጅት መሆኑ ተጠቁሟል::
ሽልማቱን ዶክተር ጽዮን ፍሬው ኢትዮጵያን በመወከል ተቀብላለች::

ምንጭ፡ የጤና ሚኒስቴር

“የግብጽ አዲስ ሀሳብ የድርድር ጭብጥ የለውም’’ - ፕሮፌሰር ያዕቆብ አርሳኖ
ሀዋሳ፡ መስከረም 13/2012 ዓ.ም (ደሬቴድ) “ግብጽ በድርድር ስም በቅርቡ ያቀረበችው ‹አዲስ ሀሳብ› የድርድር ጭብጥ የለውም” ሲሉ በአዲስ አበባ ዩኒቨርሲቲ የፖለቲካል ሳይንስና ዓለም አቀፍ ግንኙነት ትምህርት ክፍል ፕሮፌሰርና የውሃ ፖለቲካ ተመራማሪ ፕሮፌሰር ያዕቆብ አርሳኖ አስታወቁ። የታላቁ ህዳሴ ግድብ ግንባታን በማጠናቀቅ ለልማት ማዋልን ዋና ጉዳይ አድርጎ መስራቱም መዘንጋት እንደሌለበት ገለጹ።

ሰባት ሚሊየን ብር የሚያወጣ ወርቅና በርካታ የዉጪ አገር ገንዘቦች ተያዙ

ሀዋሳ፡ መስከረም 14/2012 ዓ.ም (ደሬቴድ) በጉምሩክ ኮሚሽንየ ጅግጅጋ ቅርንጫፍ ጽህፈት ቤት የቶጎ ጫሌ መቅርጫ ጣቢያ 7 ሚሊየን ብር የሚያወጣ 5 ኪሎ ግራም ወርቅና የውጪ አገር ገኝዘቦችን መያዛቸውን የገቢዎች ሚኒስቴር አስታወቀ፡፡

መስከረም 13 ቀን 2012 ዓ.ም ከለሊቱ 9 ሰዓት አካባቢ ከሰሌዳ ቁጥር ኮድ3-05861 ድሬ አይሱዚ ኤክስፖርት የሚደረግ ጫት የጫነ ተሽከርካሪ የቶጎጫሌ ፈታሾች ባደረጉት ጥረትና ጠንካራ ፍተሻ 5 ኪሎ ግራም ጥፍጥፍ ወርቅ፤ 175 ሺህ 584 የሳውዲ ሪያል፣ 7 ሺህ155 ድርሀም 63 ሺህ 035 የአሜሪካን ዶላር እና 146 ሺህ 500 የሳውዲ ሪያል በቁጥጥር ስር ውሏል፡፡

Read more: የኢንዱስትሪ ፓርኮቹ በታኅሣሥ መጨረሻ ለባለሀብቶች ይተላለፋሉ