ሀዋሳ፡ መጋቢት 08/2012 ዓ.ም (ደሬቴድ) የክልሉን የመረጃ ፍሰት ለማቀላጠፍ የኮሙኒኬሽን መዋቅሩ አስተዋጽኦ ከፍተኛ መሆኑን የደቡብ ክልል መንግስት ኮሙኒኬሽን ጉዳዮች ቢሮ የበጀት ዓመቱን የግማሽ ዓመት አፈፃፀም በቡታጅራ ከተማ በገመገመበት መድረክ ተገልጿል።

 

በመንግሥት ፖሊሲዎች፣ ስትራቴጂዎች አና የለውጥ እርምጃዎች ዙሪያ መረጃ በወቅቱ ለህብረተሰቡ ማድረስ እንደሚገባ የክልሉ መንግስት ኮሙኒኬሽን ጉዳዮች ቢሮ ሀላፊ ወይዘሮ ሰናይት ሰለሞን ተናግረዋል።

 

የሰላም፣ የአንድነት፣ ሁለንተናዊ የልማትና የመልካም አሰተዳደር ተጠቃሚነትን ለማረጋገጥ የኮሙኒኬሽን ዘርፍ የተጣለበት ሀላፊነት በተገቢው መወጣት እንደሚገባውም ሀላፊዋ አሳስበዋል።

 

በአዲስ መልክ የተደራጀውን የመንግስት ኮሙኒኬሽን ጉዳዮች ቢሮ የውስጥ አደረጃጀት በማጠናከር የመንግስት ቀዳሚ የመረጃ ምንጭ ለማድረግ በመሠራት ላይ መሆኑን አክለው ገልጸዋል።

 

ዘጋቢ፡ ፋሲል ኃይሉ