በጋሞ ዞን የሞተር ጀልባ ሰጥሞ የ5 ሰዎች ህይወት አለፈ

ሀዋሳ፡ ጥቅምት 11/2012 ዓ.ም (ደሬቴድ) በደቡብ ክልል ጋሞ ዞን የሞተር ጀልባ ሰጥሞ የአምስት ሰዎች ህይወት ማለፉ ተገለፀ።

አደጋው የደረሰው በትናንትናው ዕለት ከቀኑ 9 ሰዓት ከሎካ አባያ ወደ አርባምንጭ 6 ሰዉ ጭኖ ሲመጣ የነበረ ሞተር ጀልባ በመስጠሙ ሲሆን በሞተር ጀልባው ተሳፍረው ሲጓዙ ከነበሩት ውስጥ 5 ሰው ሲሞት 1 ሰዉ መትረፉን የጋሞ ዞን ሠላምና ፀጥታ መምሪያ ኃላፊ አቶ ሞናዬ ሞሶሌ ገልጸዋል።

ችግሩ የተከሰተው በወቅቱ በተነሣው ማዕበል ሲሆን ከአደጋው የተረፈው ግለሰብ ጀሪካን ተጠቅሞ በመዋኘት ነው።

በአሁኑ ወቅትም በአደጋው ሀይወታቸው ያለፈ ሰዎች አስከሬን የማፈላለግ ስራ እየተሰራ ሲሆን፤ የሀገር መከላከያ ሰራዊት፣ የጋሞ ዞን፣ የአርባምንጭ ከተማ እና ዙሪያ ወረዳ ፓሊስ አባላት በፍለጋ ላይ መሆናቸውም ተነግሯል።
ዘገባው የጋሞ ዞን ህዝብ ግንኙነት ጽህፈት ቤት ነው::