ኢትዮጵያ ንቁ ተሳትፎ ያደረገችበት 74ኛው የመንግስታቱ ድርጅት ጉባኤ ተጠናቀቀ
ሀዋሳ፡ መስከረም 20/2012 ዓ.ም (ደሬቴድ) በጉባኤው ላይ ኢትዮጵያ በፕሬዝዳንት ሳህለወርቅ ዘውዴና በውጭ ጉዳይ ሚኒስትር ገዱ አንዳርጋቸው በተመራ የልዑካን ቡድኗ በኩል ንቁ ተሳትፎ አድርጋለች።
ኢትዮጵያ ጉባኤውን በምክትል ፕሬዝዳንትነት መርታለች፤ 80 በሚሆኑ የጉባኤው መድረኮች ላይም ተሳትፋለች።
የአየር ንብረት ለውጥ፣ የዓለም የጤና ሁኔታና መሰል ዓለም ዓቀፋዊ ጉዳዮች ላይ ኢትዮጵያ ገንቢ ሃሳቦችን አካፍላለች።
ከጉባኤው ጎን ለጎንም ከተለያዩ አገራት መሪዎችና የውጭ ጉዳይ ሚኒስትሮች ጋር ውይይት ተደርጓል።
እንደ ኢቢሲ ዘገባ በአሜሪካ የኢ.ፌ.ዴ.ሪ ልዩ መልዕክተኛና ባለሙሉ ስልጣን አምባሳደር ፍጹም አረጋም በጉባኤው ተሳትፈዋል፡፡