የክልሉ ጤና ቢሮ ለሚጥል በሽታ አፅእኖት አልሰጠሁም አለ
በቤተልሔም አበበ
የሚጥል በሽታን ለመከላከል ትኩረት ተሰጥቶ እየተሰራ አለመሆኑን የደቡብ ክልል ጤና ቢሮ አስታወቀ፡፡
በቢሮው የበሽታ መከላከል ተላላፊ ያልሆኑ በሽታዎች ፕሮግራም ባለሙያ ወ/ሮ ትዕግስት ተሰማ ፣ የሚጥል በሽታ በባህሪው የተለያየ አይነት ምልክት ያለው በሽታ መሆኑን አንስተው አንጎላችን ላይ ያለው ነርቭ አላግባብ እንቅስቃሴ በሚያሳይበት ጊዜ የሚከሰትና ተላላፊ ካልሆኑ በሽታዎች ስር የሚመደብ መሆኑን ተናግረዋል፡፡
በርካታ ጊዜ የዚህ አይነቱ በሽታ ይሄ ነው የሚባል ምክንያት ባይኖረውም አንዳንዶች ላይ ግን በአደጋ ምክንያት፣ አዕምሮአቸው በቂ ኦክሲጅን ሳያገኝ ሲቀር ለበሽታው የሚጋለጡበት አጋጣሚ እንደሚፈጠር ባለሙያዋ አብራርተዋል፡፡
ትኩረት የሚሹ ሐሩራማ በሽታዎች በዘላቂነት እስኪጠፉ ድረስ የቁጥጥር ስራው ትኩረት እንዲሰጠው ተጠየቀ
ሀዋሳ፡ ሕዳር 28/2015 ዓ.ም (ደሬቴድ) ትኩረት የሚሹ ሐሩራማ በሽታዎች በዘላቂነት እስኪጠፉ ድረስ የቁጥጥር ስራው ትኩረት እንዲሰጠው ተጠይቋል፡፡
በኢትዮጵያ በቀድሞው የአሜሪካ ፕሬዚዳንት ጂሚ ካርተር የተቋቋመ ዓለም አቀፍ ድርጅት በዋናነት በሰላም፣ በሽታ መከላከልና የዴሞክራሲ ግንባታ ላይ እንደሚሠራ የገለፁት የደቡብ ኦሞ ዞን የድርጅቱ አስተባባሪ አቶ ዳንኤል ታምራት ድርጅቱ በዞኑ ትኩረት የሚሹ ሐሩራማ በሽታዎች ዙሪያ እየሠራ ይገኛል ብለዋል።
ኦንኮሰሪኪያሲስ እና ተላላፊ ዝሆኔ በሽታዎች ከሐሩራማ በሽታዎች ተብሎ ከሚጠሩት የሚጠቀሱ ሲሆን ኦንኮሰሪኪያሲስ በሽታ ቆዳን በማሳከክ ለዓይነ ሥውርነት መንስኤ እንደሆነና በሽታው የሚተላለፈውም ከጥቁር ዝንብ እንደሆነም አቶ ዳንኤል ገልፀዋል።
Read more: ትኩረት የሚሹ ሐሩራማ በሽታዎች በዘላቂነት እስኪጠፉ ድረስ የቁጥጥር ስራው ትኩረት እንዲሰጠው ተጠየቀ
